Vjosa Osmani ka marr sot zyrtarisht detyrën e presidentes së Republikës së Kosovës,në një ceremoni larg shkëlqimit të zakonshëm për shkak të pandemisë.

Ceremonia është mbajtur në sheshin “Ibrahim Rugova” në kryeqytet.

Ndërsa detyrën si presidente e Republikës së Kosovës asaj ia ka dorëzuar kryeparlamentari Glauk Konjufca, i cili për pak ditë qe ushtrues detyrë i presidentit.

Paraprakisht, Presidentja e Kosovës, Vjosa Osmani ka parakaluar pranë gardës së FSK-së së bashku me kryeparlamentarin Glauk Konjfuca.

Në ceremoni janë duke marrë pjesë ambasadorë të disa vendeve, kryeministri Albin Kurti dhe anëtarë të kabinetit qeveritar.