Komiteti Teknik i Ekspertëve u mblodh sot për të diskutuar dhe informuar për masat anti-Covid. Duke marrë parasysh që masat gjatë këtyre javëve kanë rezultuar efektive, është vendosur të qëndrojnë në fuqi, të paktën edhe për dy javët e ardhshme.

Masat që do të jenë në fuqi janë:

-Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania) për një afat 14-ditor, duke filluar nga dita e enjte, datë 7 prill për dy javë.

– Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery), duke filluar nga sot për dy javë.

– Nisur nga rritja e rasteve të infektimeve të reja në grupmoshën 15-24 vjeç, shkollat e mesme do të aplikojnë skenarin e tretë, pra atë online në zonat e riskut të lartë, ku përfshihen bashkitë: Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz, për dy javë.

– Universitetet do vijojnë online.

– Fluturimet me Britaninë e Madhe të pezulluara.