Rama ka ndarë disa foto në rrjetet sociale, teksa është duke diskutuar me kryebashkiakun e Lezhes Pjerin Ndreun, ndërsa shprehet se kanë folur për trnasformimin e Ranës së Hedhun në një destinacion të turizmit mesdhetar me pesë yje
Kryeministri nuk ka kursyer as batutat, teksa shkruan se Pjerini e ka fiksim të vjetër të sfidojë Jonin me një zhvillim fantastik në Adriatik dhe nëse bashkohet me Benetin ka shumë gjasë t’ia dalin, por halli është se ky do që të sfidojë edhe Shkodrën.
Postimi i Ramës:
“Me kryebashkiakun që vit pas viti po e kthen Lezhën turistike në Spanjën e vogël të Shqipërisë, duke diskutuar për sfidën e transformimit të Ranës së Hedhun në një destinacion të turizmit mesdhetar me pesë yje.
(Pjerini e ka fiksim të vjetër të sfidojë Jonin me një zhvillim fantastik në Adriatik. Nëse bashkohet me Benetin ka shumë gjasë t’ia dalin, por halli është se ky do që të sfidojë edhe Shkodrën)”- shkruan Rama.
