Ministri i Jashtëm i Greqisë, Georgos Gerapetritis ka kërcënuar Shqipërinë se në rast se kryebahskiaku i zjgehdur i Himarës, Fredi Beleri shkakrohet, marrëdhëniet mes dy vendeve do të përkeqësohen.

Në një intervistë për kanalin shtetëror ERT, Gerapetritis e ka konsideruar qëndrimin e palës shqiptare si “një autogol” duke përdorur shprehjen tradicionale greke “mesa duket Shqipëria po qëllon këmbët e veta”.

“Me mënyrën se si vepron pala shqiptare, me siguri po qëllon veten në këmbë (bën autogol)”, vuri në dukje G. Gerapetritis, duke paralajmëruar se nëse Fredi Beleri shkarkohet nga posti, atëherë do të drejtohemi në një përkeqësim serioz të marrëdhënieve greko-shqiptare.

Ministri i Jashtëm grek theksoi prerë se nuk ka shans të vijojë procesi i anëtarësimit të Shqipërisë në BE me një shkelje të tillë të shtetit të së drejtës dhe prezumimit të pafajësisë së Fredi Belerit.