TEPELENË- Dy mjete janë përfshirë në një aksident në aksin rrugor Tepelenë-Gjirokastër, e si pasojë 4 persona kanë mbetur të lënduar.
Aksidenti ndodhi pasi mjeti “Renault” me drejtues Josif Zoton u përplas me mjetin “Mercedez Benz” me drejtues Konstandin Dhimitri në Shtëpëz. Nga aksidenti u plagosën: Minushe Tori, Barjam Tori, Lirika Zoto dhe Josif Zoto.
Të lënduarit janë dërguar në spital, por fatmirësisht janë jashtë rrezikut për jetën. Ende nuk dihen shkaqet e aksidentit, por dyshohet se njëri nga mjetet ka kryer një manovër të gabuar.
