Dy persona kanë mbetur të plagosur si pasojë e një sherri që ka ndodhur mbrëmjen e djeshme në rrugën “Veli Dedi” në Tiranë.

28-vjeçari Bruno Basha dhe 26-vjecari Mario Basha  janë konfliktuar për motive banale dhe kanë qëlluar me thike 34-vjeçarin Valter çela. Në konflikt është përfshirë dhe një shok i 34-vjeçarit, shtetasi E.SH, i cili mbeti i plagosur me sende të forta.

Deri më tani nuk dihen arsyet e sherrit të dhunshëm, ndërsa policia vijon hetimet dhe ka shpallur ne kerkim autoret.

“Më datë 08.04.2021, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e  shtetasve B. I(B)., 29 vjeç, dhe M. B., (B), 26 vjeç, sepse  në rrugën “Veli Dedi”, për motive të dobëta, kanë goditur me mjet prerës (thikë), shtetasin V. Ç, 34 vjeç, dhe me sende të forta shtetasin E. Sh., të cilët ndodhen në spital, jashtë rrezikut për jetën. Punohet për kapjen dhe shoqërimin e tyre”.