Meloni dhe Rama shfaqen në biseda miqësore, në kafe në Vlorë mes përqafimeve të rrethuar edhe nga të tjerë zyrtarë italianë dhe shqiptarë. Në bisedë ndodhet edhe ambasadori Italian Fabricio Bucci.
Meloni ka pranuar edhe të bëjë disa foto me qytetarët që u ndodhën pranë lokalit ku dy liderët konsumuan kafenë mes tyre shumë Italianë. Vetë kryeministri Edi Rama postoi foto të këtij takimi pasditeje me homologen italiane e cila sikurse duket në foto përshëndet me dorë në Vlorë. Në këtë postim Rama e konsideron Melonin si motrën e vogël të Shqipërisë dhe e falënderon për vizitën në Shqipëri. Meloni do të largohet nga Shqipëia në orët e vona të mbrëmjes së sotme.

Motra e Shqipërisë dhe vëllai i Italisë. Faleminderit Giorgia, ishte një nder”, shkruan Rama.

Mësohet e kryeministrja Italiane ka bërë një vizitë edhe në konsullatën italiane në Vlorë. Meloni mbërriti në Vlorë në 14 gusht ku pas një ftesë të kryeminsitrit Rama ajo ndërpreu pushimet e saj në një fermë në Puglia dhe u nis nga Brindizi me një traget linje drejt Vlorës.