Laçi është skuadra më e mirë për vitin 2021. Kurbinasit kanë grumbulluar më shumë pikë në këtë vit të ri. Në 14 takime, ekipi i Shpëtim Duros ka marrë 27 pikë. Në vendin e dytë është Teuta, kryesuese e kampionatit me 26 pikë. Ndërkohë në vendin e tretë dhe të katërt janë Partizani e Tirana.

Zhgënjimi është Vllaznia në vendin e pestë me 20 pikë. Pjesa e dytë e renditjes përbëhet nga Kukësi, Bylisi, Kastrioti dhe Skënderbeu e Apolonia me nëntë pikë.

Në renditjen për 2021-in , ekipi që ka shënuar më shumë është Kukësi që ka shënuar 19 gola. Skuadra më fortë në mbrojtje është Teuta që ka pësuar vetëm 6 herë gol në portën e vet. Skënderbeu në krahun tjetër është ekipi që ka pësuar më shumë gola, plot 20 të tillë. Tirana ka tetë fitore dhe pesë humbje, ndërsa Partizani është kampion i barazimeve, sepse në 14 javë ka 7 barazimi, një humbje dhe gjashtë fitore.