Vendi i Celibashit se PD do të ketë vetëm 1 komisioner kundërshtohet nga PD e logos me kryetar Lulzim Bashën.
‘Tentativa e sotme e Zotit Celibashi është tentative e radhës, pas atyre te zgjedhjeve të 14 majit, për zbatimin e projektit politik të Sali Berishës, që synon trasnferimin e votave të demokrateve tek Partia e Ilir Metës.
Nëse me 14 maj u përdorën politikisht votat e domakratëve për të zgjedhur kandidatët e Ilir Metës sot u tentua që këto vota t’i jepen këtij të fundit edhe ligjërisht duke patur përfaqësim të komisionerëve në numër më të madh se PD.
Partia Demokratike do të vazhdojë betejën e saj për të mbrojtur votën e cdo demokrati si në kontekstin politik por dhe në rrafshin ligjor.’- tha përfaqësuesi ligjor i PD-së, Rezart Kthupi.
Por teksa ndodhemi në prag të nisjes së fushatës për Kukësin, Sali Berisha dhe Ilir Meta duket se kanë zbehur koalicionin e tyre të 14 majit Bashkë Fitojmë.
Meta nuk ka shprehur interes për të pasur kandidat, ndërsa Rithemelimi nuk ka qartësuar asnjë kandidat.
Më herët u mësua se Lulzim Basha ka shprehur mbështetjen për kreun e degës së Kukësit Arif Rexhmati, por vetë dega e kukësit është në kërkim të një kandidati të unifikuar. Pas thyerjes së besimit nga Safet Gjici, Partia Socialiste kërkon nga kuksianët ti besojnë votën Albert Halilaj.
