Garazhi i një pallati në kryeqytet është përfshirë nga flakët. Ngjarja ndodhi rreth orës 07:30, në rrugën “Fadil Deliu” në Tiranë.

Policia e kryeqytetit bën me dije se forcat e rendit dhe zjarrfikëset kanë nisur evakuimin e banorëve.

Zjarri mësohet se ka rënë në një automjet të parkuar brenda parkingut për shkaqe ende të panjohura. Ende nuk ka detaje të tjera për përmasat e zjarrit.

Njoftimi:

Rreth orës 07:30, në rrugën “Fadil Deliu” ka rënë zjarr në garazhdin e një pallati.

Shërbimet e zjarrëfikses dhe shërbimet e Policisë po bëjnë të mundur evakuimin e banorëve si dhe neutralizimin e zjarrit.

Grupi hetimor ndodhet në vendngjarje dhe po punon për sqarimin e rrethanave të ngjarjes.