Reali i Madridit fiton “El Clasicon” e dytë të sezonit dhe të tretën radhazi përballë Barcelonës, duke e ndezur edhe më shumë garën për titullin e La Ligas, që duket se do të jetë e ethshme deri në javën e fundit të kampionatit.
Madrilenët zhvilluan një pjesë të parë fantastike duke shënuar dy gola.
Benzema realizoi një gol klasi ndërkohë Kroos përfitoi gjatë një goditje dënimi kur topi u devijua në mur dhe u përplas në fund në rrjetë.
Në pjesën e dytë Barcelona ishte më e organizuar në lojën e saj dhe pas disa përpjekjesh shkurtoi në 2-1 diferencën me Miguezan, që devijoi drejt rrjetës topin e hedhur në zonë nga e majta nga Jordi Alba. Me fat ter Stegen në të 63-tën, teksa devijimi i topit të goditur nga Vinicius përfundoi në shtyllë.
Katalanasit mund të ishin në krye të renditjes edhe pas një barazimi në ‘’El Classico’’, por tashmë duhet të shohin dy vendet e para nga 1 pikë më pak, në vendin e tretë.
