Presidenti Bajram Begaj ka mbajtur ditën e sotme një konferencë të përbashkët me homologen Vjosa Osmani, e cila po zhvillon një vizitë dy ditore në vendin tonë

Gjatë fjalës së saj, Osmani foli me tone të ashpra për Serbinë, teksa tha se është një fqinj agresiv që vazhdon me logjikën për të zhdukur nga faqja e dheut Kosovën. Nga ana tjetër, Osmani theksoi se marrëdhëniet Kosovë-Shqipëri janë shumë të mira.

A do bashkohet Kosova me Shqipërinë? Ja si përgjigjet Albin Kurti
“Kosova po përballet me sfidën më të madhe të sigurisë, e them se kur kemi përballje me sfida të tilla, agresion të përditshëm nga ana e një fqinji agresiv që vazhdon me logjikën e zhdukjes sonë nga faqja e dheut, është detyrim që interesat kombëtare të jenë para së gjithash. Nuk kam asnjë dyshim që qëllimin e kemi të përbashkët, nëse ndonjëherë kemi ndryshim në strategji, duhet të ulemi si një familje, sepse ne jemi si një familje. Edhe ndonjë moment i vogël kalohet, pa ndonjë problem të madh.

Shoh mikpritje dhe mbështetje të palëkundur ndaj Kosovës. Kjo mbështetje nuk ka munguar edhe në periudhat më të rënda dhe në periudhën e shtetformimit. Diskutuam për sfidat që na presin, të cilat do të duhet t’i kalojmë së bashku.”- tha Osmani.