Deputeti Gazmend Bardhi ka zbardhur takimin dhe vendimet që kanë rënë dakord me PD e Berishës, në mbledhjen e sotme.

Ai tha se është vendosur për tu ngritur 3 Komisione Hetimore, ku njëri do të jetë për koncesionet dhe PPP-të, tjetri është për skandalin dhe rrjedhjen e të dhënave të qytetarëve. Ndërsa Komisioni i tretë është për hetimin e mirëfunksionimit të posteve publike.

“Komisionin e Reformës Zgjedjore dhe detyrat që do të përmbushë ky Komision. Është e pamundur që opozita e cila ka denoncuar raste të rënda zgjedhore, të mos çojë deri në fund Komisionit Zgjedhor. Së dyti, të gjithë bien dakord se kjo qeveri është më e korruptuar në histori. Për këtë arsye kemi vendosur të ngremë tre Komisione Hetimore, për PPP-të, koncesionet. Tjetër çështje është për skandalin e të dhënave, për skandalin e patronazhistëve. Një tjetër Komision do jetë për mirëfunksionimin e posteve pubike, pasi po e shohim sesi pushtetarët po pasurojnë njëri-tjetrin”, tha Bardhi për gazetarët.