Një rast i rëndë dhune në familja ka ndodhur në Mat, ku një 48-vjeçar është arrestuar nga policia.
Mësohet se 48-vjeçari prej kohësh ushtronte dhunë fizike dhe psikologjike ndaj bashkëjetueses së tij, një 33-vjeçare, e cila për shkak të dhunës kishte përfunduar dhe në spital psikiatrik.
Për të fshehur dhunën, 48-vjeçari pretendonte se gruas i kishin bërë magji dhe kishte punësuar një shtetas nga Kosova për ta shëruar. Ai pretenonte se ajo vuante nga probleme të shëndetit mendor.
Rasti është denoncuar nga një qytetar, teksa policia ka gjetur dhe armë zjarri në shtëpinë e 48-vjeçarit.
Njoftimi i policisë:
Mat/ Ushtronte dhunë fizike dhe psikologjike në mënyrë të përsëritur ndaj bashkëjetueses së tij, kapet dhe vihet në pranga 48-vjeçari.
Bashkëjetuesja si pasojë e dhunës fizike dhe psikologjike është trajtuar me mjekim në spitalin psikiatrik Tiranë.
48-vjeçari, për të justifikuar dhunën ndaj bashkëjetueses, kishte paguar një shtetas nga Kosova, për ta shëruar, pasi pretendonte se i kishin bërë magji.
Procedohet penalisht për mashtrim, 36-vjeçari, i cili vinte nga Kosova në banesën e 48-vjeçarit, për të shëruar 33- vjeçaren.
