Vaksina ruse Sputnik V do të fillojë të prodhohet në Serbi . Autoritetet shëndetësore në Rusi kanë njoftuar se prodhimi do të nisë në 20 maj dhe do të jetë vendi i pari në Europë Jugore që do të prodhojë këtë vaksinë.
Sipas Fondit Rus, vaksina mund të eksportohet në vendet e tjera në rajon në një fazë të mëvonshme.
Deri më sot vaksina ruse prodhohej vetëm në Rusi dhe Bjellorusi, kurse tashmë do të prodhohet edhe shumë afër Shqipërisë, në Serbi. Këtë e ka konfirmuar Drejtori i Fondit Direkt të Investimeve në Rusi që është edhe financues i vaksinës Sputnik V.
