Orges Shehi nuk do të jetë më trajneri i skuadrës së Tiranës. Drejtuesit morën vendim ditën e sotme për shkarkimin e trajnerit pas rezultateve negative javët e fundit.

Humbjet me Erzenin dhe Laçin nuk janë ‘kapërdirë’ siç duhet në kampin bardheblu. Problemet e Shehit me klubin mund të kenë filluar që vitin e shkuar kur Tirana humbi titullin në javët e fundit.

Skuadra do të ketë përballje mjaft të forta në javët në vijim, pasi vetëm pas rikthimit të lojtarëve nga kombëtaret, do të luhet derbi me Partizanin. Ndërkohë po punohet për pasuesin e Shehit në stolin e kryeqytetasve.

Kontrata e Orges Shehit me Tiranën skadonte në fund të sezonit dhe për pjesën e mbetur të muajve klubi do t’i paguajë rrogën trajnerit.