Në një postim në rrjetin social X, kryeministri i Izraelit, Benjamin Netanyahu ka përcjellë një mesazh për popullin e tij. Ai shprehet se jemi në një moment të vështirë por do ta fitojmë këtë luftë.

Netanyahu fajëson Palestinën dhe Hamasin që filluan këtë luftë duke kaluar kufirin me Izraelin. Ai i quan luftëtarët e Hamasit si vrasës që nuk kursejnë as fëmijët, as nënat në shtëpitë e tyre.

Kjo që ka ndodhur sot në Izrael nuk do të ndodhë më sipas kryeministrit.

Netanyahu shprehet i bindur se Izraeli do ta shkatërrojë Hamasin. Ai i bën thirrje banorëve të Gazës të largohen nga vendi i tyre, pasi kundërpërgjigja izraelite do të jetë shumë e ashpër.

Ndërsa tregohet realist kur thotë se këto janë ditë sfiduese dhe të vështira.