Bashkimi Europian pritet të ndërpresë bashkëpunimin për blerjen e vaksinave anti-Covid me kompaninë “AstraZeneca” dhe “Johnson & Johnson”.

“Një vendim ende nuk është marrë, por ne nuk kemi nisur bisedime me ‘AstraZeneca’ dhe ‘Johnson & Johnson’ për një kontratë të re, ndërsa tashmë kemi nisur diskutime për kontrata me ‘Pfizer/Biontech’ dhe ‘Moderna’”, tha të premten ministri i Industrisë në Francë, Agners Pannier-Runache.

Vendimi vjen pas rihapjes së debatit mbi sigurinë e vaksinës “AstraZeneca” dhe “Johnson and Johnson”.

Rastet e përsëritura me mpiksje gjaku te personat e vaksinuar kanë vënë në alert vendet e Bashkimin Europian.

Pas Danimarkës që bllokoi procesin e vaksinimit me vaksinën e Oksfordit, edhe Norvegjia ndërmori të njëjtën masë. Ndërkohë, në vendin tonë, autoritetet kanë konfirmuar vijimësinë e procesit.

Pas 38 400 dozave që mbërritën disa javë më parë, sot dhe të dielën pritet të mbërrijë dërgesa e dytë me 90 mijë e 800 vaksina “AstraZeneca”.

Një sasi kjo e siguruar sipas Ministrisë së Shëndetësisë përmes mekanizimit COVAX.