Ende pa nisur, është mbyllur seanca plenare për shkak se opozita bllokoi punimet e saj. Ashtu sic e kishin paralajmëruar, deputetët e PD, bllokuan vendet e ministrave në Kuvend, duke mos lejuar zhvillimin normal të seancës.
Ndërkohë ish-kryeministri Sali Berisha ka zgjedhur që të jetë pranë qytetarëve në një mënyrë tjetër, duke u futur live në Facebook. Ai pati edhe nje perplasje te ashper me nenkryetaren e Kuvendit, Ermonela Felaj.
“Nuk është parlamenti prokuroria e Tiranës. Je turpi i Shqipërisë. Ke fut 5 familjarë të tuaj në Prokurori. Mbylle gojën. Kjo delinkuente që flet këtu ka 4 familjarë të saj në Prokurori. S’ka turp më të madh dhe ka gojë me fol ajo”, tha Berisha.
Felaj u shpreh se seanca do të shtyhet për një ditë tjetër kur të jetë e mundur që të zhvillohet normalisht.
“Kjo seancë sot nuk do të zhvillohet, do të shtyhet për një ditë tjetër kur të jetë e mundur që të zhvillohet seancë normale. Sipas rregullores për të gjithë deputetët që cilët sot janë përfshirë në veprime dhe akte të papranueshme, jo vetëm i tërhiqet vëmendja por edhe do të merren masa për secilin prej tyre. Ky është vullneti i Shqipërisë dhe ju s’mund ta tjetërsoni, seanca shtyhet”, tha ajo.
