Një aksident ka ndodhur mbrëmjen e sotme në afërsi të Kapshticës.një automjet ka dalë nga rruga pasi shoferi humbi kontrollin gjatë ecjes. Për pasojë është dëmtuar shoferi i makinës tip “Benz”, I.Z dhe pasagjeri D.M të cilët u dërguan për mjekin në spitalin e Bilishtit.

Ndërkohë grupi hetimor po punon për zbardhjen e plotë të shkaqeve të aksidentit.

Njoftimi i Policisë:

Devoll/Informacion paraprak

Më datë 19.10.2023, rreth orës 19:15, në aksin rrugor “Bilisht-Kapshticë”, në afërsi të Stacionit të Policisë Kufitare Kapshticë, shtetasi I. Z., duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga.

Për pasojë janë dëmtuar drejtuesi I. Z. dhe pasagjeri në këtë automjet shtetasi D. M., të cilët u dërguan për mjekim në spitalin e Bilishtit.

Grupi hetimor po punon për zbardhjen e rrethanave të aksidentit.