Zllatan Ellek është zgjedhur kryetar i ri i Listës Serbe në Kosovë. Ai është ushtrues detyre i drejtorit të Qendrës Spitalore Klinike në Mitrovicën e Veriut. Ellek u zgjodh në seancën e Kuvendit të Listës Serbe të mbajtur të martën në Mitrovicën e Veriut, ku Lista Serbe zgjodhi edhe kryesinë e re. Lider i Listës Serbe deri më tani ishte Goran Rakiç. Lista Serbe është partia më e madhe e serbëve në Kosovë, e cila ka mbështetjen e Beogradit.

Këto ndryshime në lidershipin e partisë po ndodhin pas ngjarjeve të dhunshme në Banjskë afër Zveçanit në veri të Kosovës më 24 shtator. Një grup i armatosur serb sulmoi policinë e Kosovës dhe vrau rreshterin Afrim Bunjaku. Në shkëmbimin e zjarrit që pasoi, u vranë edhe tre sulmues serbë.

Nënkryetari i atëhershëm i Listës Serbe, Millan Radoiçiç, mori përgjegjësinë për këtë sulm dhe dha dorëheqjen nga ajo pozitë. Ai është duke u hetuar, si në Kosovë, ashtu edhe në Serbi.

Pas këtyre ngjarjeve, Zllatan Ellek është zgjedhur kryetar i Listës Serbe. Megjithatë, disa personalitete dhe politikanë serbë e shohin këtë ndryshim si një formalitet dhe nuk presin ndryshime thelbësore në mënyrën sesi Listës Serbe do të funksionojë në të ardhmen. Disa prej tyre po formojnë një parti të re, Lëvizja Popullore Serbe, si alternativë e Listës Serbe, për të përfaqësuar interesat e serbëve në Kosovë.