Në një deklaratë për mediat serbe, Aleksandër Vuçiç shprehet se në takimet në Bruksel janë diskutuar temat kryesore duke nisur nga depërshkallëzimi i situatës e deri te zbatimi i marrëveshjeve të deritanishme mes dy vendeve.

“Serbia ka thënë qartë se dëshiron që të gjitha marrëveshjet të zbatohen, nga ajo bazë e vitit 2013 e deri te ato më vonë në Bruksel dhe Ohër, dhe ne gjithmonë kemi theksuar vetëm një gjë, e cila dihet ajo është se Serbia nuk mund të pranojë anëtarësimin në OKB apo pavarësinë e Kosovës”,
“Askush në Bruksel nuk ka përmendur sanksione ndaj Serbisë, i kanë thënë të tjerë, por jo BE. Asnjëherë nuk kam thënë që të vendosen sanksione ndaj Prishtinës apo kujtdo, sanksionet krijojnë një atmosferë të keqe”.

Përpara mediave, presidenti serb garantoi se qëndrimi i tij ka qënë i palëkundur në mbrojtjen e interesave të Serbisë.

“Jo vetëm që fola, por insistova në qëndrimet e Serbisë. Unë flas më qetë para jush sesa kur përfaqësoj interesat e Serbisë.
Ne mbështesim aksionin e KFOR-it dhe NATO-s në Kosovë dhe presim që ata të rrisin numrin e trupave. Problemi është se përtej atij mandati, do të mbështesni krijimin e të ashtuquajturës Ushtri e Kosovës, nuk keni të drejtë ta bëni këtë në përputhje me Rezolutën 1244.”