Ndonëse “Big Brother” ka mbaruar, personazhet që dolën nga ky format, vijojnë të mbeten të preferuarit e publikut, Dea Mishel sqaron mardhënien me Luizin e cila me sa duket vazhdon te kete ende probleme .
Ajo sqaroi se janë bërë disa situata ku ka kuptuar urrejtjen e vazhdueshme te fituesit të Big Brother Vip 2.
“Patëm një moment që u takuam dhe më tha “Do të të shaj prapë”. Para se të mendoni se mbase ai ka bërë shaka, Deamishel saktësoi se kjo s’është thënë si batutë.
“Jam prekur sepse unë këtë e kam vuajtur që brenda “BBVA 2”, që kur kam pasur një përplasje me Luizin, për shkak të një nominimi (referuar nominimit mes Efit, Kiarës dhe Luizit, që mundësoi eliminimin e parë të Efit), që për mua ishte thjesht një lojë”.
“Kur kam dalë nga “BBVA 2”, kam menduar se çdo gjë do të harrohet, kam dashur më të mirën për të gjithë, nuk kam menduar që kjo situatë do të vazhdojë dhe kur ka vazhduar, më pas edhe në koncertin që ai ka pasur, që u përpoq të nxiste në Shkodër një turmë me njerëz që të më urrenin mua (referuar videos virale ku Luizi e ofendon publikisht gjatë një koncerti në Shkodër)… edhe më pas, live…më vjen shumë keq që situata duhet të shkonte kështu”.
Dea, gjithashtu tha se e shmang në vende ku qëllojnë të jenë të dy prezentë, por sërish, i dërgoi një mesazh:
“Doja t’i thoja publikisht që të përpiqet që këta ndjekës që i ka kaq të zjarrtë, që shumë mirë që i ka dhe t’i shtojë sa më shumë, t’i udhëzojë që të jenë pak më të dashur dhe më pozitivë”.
