Ditën e djeshme në zonën e Kepit të Rodonit, disa banorë të fshatit Shetaj janë konfliktuar me përfaqësuesit e kishës katolike në lidhje me pretendimet për pronësinë e tokës bregdetare.

Sipas njoftimeve të policisë, konflikti nisi gjatë kohës kur përfaqësuesit e kishës katolike po bënin rrethimin e pronës së tyre, për të cilën kanë certifikatë pronësie. Megjithatë, banorët e zonës nuk i lejuan të kryejnë këtë veprim, duke pretenduar se ata kanë gjithashtu një certifikatë pronësie për të njëjtën tokë.

Shtetasit e arrestuar në lidhje me këtë ngjarje janë:

Bajram Kaçuli
Antonio Lazari
Pal Doda
Erjon Reka
Martin Lazeri
Ylli Reka
Orgito Reka
Mark Frroku
Sakaq, shpallur në kërkim është shtetasi:

Besnik Toma, i dyshuar për përdorimin e armës zjarri gjatë ngjarjes.”