Në një ceremoni të veçantë të organizuar nga kryeministri i vendit, Edi Rama, kampioni i Europës në karate, Alvin Karaqi, është nderuar me medaljen “Ylli i Mirënjohjes Publike”. Ky nderim vjen si një njohje e suksesit të Alvin Karaqir në Kampionatin Europian të Karatesë të mbajtur në Poloni në muajin Qershor të këtij viti, ku ai fitoi medaljen e artë dhe nderoi himnin kombëtar shqiptar me triumfin e tij.

Edi Rama, kryeministri i vendit, ka bërë batuta të ndryshme gjatë ceremonisë.Ai tha se nuk ishte aty për të bërë vjehrrin e sportistit, por për të vlerësuar ceremoninë dhe suksesin e Alvin Karaqit.

Rama:
“Një shembull frymëzues dhe të jashtëzakonshëm për këdo që në rrugën e pasionit të vet, është i gatshëm të sakrifikojë dhe të angazhohet pavarësisht mundit dhe vështirësive dhe jeton, merr frymë, ushqehet me idenë e ngjitjes në majë dhe të të qenit fitimtar. Më ka bërë përshtypje, dashuria e tij pasionante për atdheun dhe të jetuarit e tij me flamurin kuqezi si me një pjesë të vetes, si në lëkurën e tij të dytë. Alvini është dhëndri që çdo vjehërr do të donte të kishte. Nuk jam kandidati për t’u bërë vjehrri i Alvinit sepse një vajzë që kemi, e kemi të zënë.”

Alvin Karaqi:

“Ku mora rolin e bajraktarit të ekipit olimpik për mua ajo ka qenë dita e medaljes pa marrë parasysh se çfarë do të ndodhte ditën tjetër me qenë bajraktar ndihem si Gjergj Kastrioti.”