Ish-kryeministri Sali Berisha, në një komunikim me gazetarët pas përfundimit të seancës plenare, ka deklaruar se opozitës po i shkelen të drejtat kushtetuese. Po ashtu, Berisha ka thënë se ajo që ndodhi sot në Kuvend ishte një grevë e përkohshme. Kur u pyet në lidhje me Lulzim Bashën, i cili nuk ishte i pranishëm në seancë, Berisha ka theksuar se po vazhdon ndjekjen e porosive të kryeministrit Rama.
“Ishte një formë greve. Ne nuk heqim dorë, është vetëm fillimi. Nuk kemi autorizim nga zgjedhësit tonë që të jemi si marioneta në aktivitetin tonë parlamentar. Mazhoranca tregoi fytyrën e vet, vetëm miratim nuk është ai. Kërkojmë Parlament normal.”- tha Berisha.
