Shefja e ISHP, Albana Fico ka deklaruar se kush rezulton pozitiv me COVID-19, qoftë edhe ditën e zgjedhjeve nuk lejohet të votojë.

Fico thotë se ISHP ka protokoll, dhe kush është pozitiv nuk del nga shtëpia. Sa i përket kontakteve të të infektuarve me COVID-19, Fico thotë se duhet të interesohet pranë autoriteteve për lëvizshmërinë e personave.

Në konferencën e Komitetit Teknik të Ekspertëve, Fico tha se kjo është e parashikuar në ligj.

Përsa i përket kontakteve të të infektuarve me COVID-19, Fico thotë se duhet të interesohet pranë autoriteteve për lëvizshmërinë e personave.

“ISHP ka përpiluar një protokoll që është i miratuar nga ministria e Shëndetësisë. Ky protokoll do të jetë para datës së zgjedhjeve.

Përsa i përket çështjes së personave që rezultojnë pozitiv, ditën e zgjedhjeve. Edhe sikur të mos kishte zgjedhje, këta persona nuk duhet të dalin për të vetmen arsye se krijojnë transmetim të infeksionit. Nuk ka asgjë të ndryshme në ditën e zgjedhjeve sa i përket infeksionit. Ne funksionojnë si autoritete shëndetësore që bazohemi në ligjin për sëmundjet infektive, i cili është i qartë për këto raste.

Pra kush është pozitiv dhe është i karantinuar, ose kontakt  i cili është pozitiv dhe i karantinuar. Pas 14 muajsh edhe qytetarët janë më të qartë. Nëse do të kenë pyetje në raport me lëvizshmërinë e personave të tjerë që nuk janë pozitive, pyetjet tek 0800 40 40 mjeku i familjes dhe më tej”, u shpreh Fico.

Kryetarja e Komitetit, Mira Rakacolli u shpreh se rreziku per shtimin e rasteve me Covid mund te jete nga mosrespektimi i tubimeve elektorale nga disa forca politike.

“Mos respektim sa duhet i një pjesë e subjekteve politike për tubimet elektorale mund të jetë një faktor që mund të ndikojë në rritjen e numri në të ardhmen. Afrim i Pashkëve gjithmonë është shoqëruar me lëvizje të qytetarëve në vendet fqinje. Eksperienca e pashkëve të vitit të kaluare tregoi se lëvizja e njerëzve e vunë vendin në një situatë të vështirë, ku pati rritje te rasteve”.