Sërish, tensione dhe kaos kanë pushtuar seancën e Kuvendit. Deputeti i PD, Saimir Korreshi, ka hedhur tymuese në Kuvend. Megjithatë, seanca ka nisur, ku kryetarja e Parlamentit, mes zhurmës, ka lexuar pikat e rendit të ditës.
Më herët, deputetët e opozitës kanë grumbulluar karriget para foltores. Kryetarja e Kuvendit, Lindita Nikolla, ka kërkuar nga Garda të marrë masa pas akteve të deputetëve të opozitës. Në mes të kësaj, e gjithë salla e Kuvendit është mbuluar nga tymi.
Ndërkohë, ministri i Brendshëm Taulant Balla i ka bërë thirrje deputetëve të PD që të mos keqpërdorin hallin dhe interesin e ish-kryeministrit Berisha, duke e akuzuar se ka marrë peng këtë forcë politike prej 33 vitesh. “Mos përdorni lëndë kimike në sallën e Kuvendit. Mos u bëni mish për top”, iu drejtua Balla deputetëve të PD.
