Raporti i Bankës Botërore tregon se, në krahasim me vendet e tjera të Ballkanit Perëndimor, Shqipëria ka një nivel të ulët të përdorimit të pagesave digjitale. Në vitin 2021, vetëm 35% e popullsisë mbi 15 vjeç ka përdorur pagesa digjitale, në krahasim me 29% në vitin 2017.

Në të kundërt, vendet tjera të rajonit, si Kosova, Bosnja, Maqedonia e Veriut dhe Serbia, kanë shënuar rritje të shpejtë në përdorimin e këtyre pagesave. Kosova ka shkëlqyer me një rritje nga 39% në 2017 në 48% në vitin 2021.

Banka Botërore vë në dukje se përdorimi i pagesave digjitale është thelbësor për zhvillimin e ekonomisë. Këto pagesa sigurojnë një tranzicion më të shpejtë, më të përshtatshëm dhe më të sigurt drejt ekonomive më të digjitalizuara.

Megjithatë, Shqipëria ka ende një rrugë të gjatë për të përmirësuar situatën e saj. Për të arritur këtë, rekomandohet përmirësimi i kuadrit ligjor, rregullatorëve dhe infrastrukturës së pagesave për të përmbushur standardet e BE-së. Kjo do të ndihmonte në lehtësimin e operacioneve ekonomike dhe në rritjen e transparencës, duke kontribuar në integrimin më të thellë rajonal dhe evropian.