Nëse flasim për ushqimin, ndarja e tij në kategori dihet që është e pafundme. E kjo ndarje bëhet jo vetëm në bazë të shijeve, por edhe në bazë të vlerave që secili nga produktet mund të përmbajë. Vitaminave, mineraleve, proteinave e vlerave të tjera ushqyese, së fundëmi i është shtuar edhe gluteni.

Çfarë është gluteni?

Gluteni është një grup i veçantë proteinash të cilat i gjeni kryesisht tek gruri dhe përbën rreth 75-80% të të gjithë proteinave që përmban buka. Kjo proteinë gjendet edhe në të gjithë produktet me bazë miellin e grurit, elbit apo tërshërës. Gluteni është përgjegjës për butësinë dhe elasticitetin e bukës apo brumit të saj.

Si ta kuptoni?

Simptomat e intolerancës ndaj glutenit përfshijnë fryrje të barkut dhe stomakut, dhimbje barku, diarre, dhimbje koke, probleme me lëkurën, humbje në peshë, dhe ndjenja e lodhjes.

Ushqimet pa gluten:

Për ata që vuajnë nga intoleranca ndaj glutenit, ka shumë zgjidhje të tjera. Drithrat e plota si kuinoa dhe orizi kaf, frutat e freskëta, bishajorët, arrorët, fara, mish i kuq, peshku dhe mish pule janë disa nga ushqimet pa gluten që mund të përfshihen në dietën e tyre.

Nëse keni shqetësime pas konsumimit të ushqimeve me gluten, është e rekomanduar të drejtoheni tek mjeku për analiza të shtesë mbi intolerancën ndaj glutenit. Problemet me glutenin ndodhin në rreth 6% të popullsisë së botës dhe janë më të zakonshme tek të rriturit.