Këngëtarja Linda Halimi ka shokuar opinionin me deklaratën e saj për këngëtarin Blero Muharremi, duke e akuzuar për ngacmim s*ksual. Pas një debateje të hapur mes tyre, Linda Halimi ka shprehur dëshirën për të rrëfyer një ngjarje të ndodhur disa vjet më parë.

Linda Halimi tregon se është njohur me Bleron kur ai ishte i martuar me moderatoren Teuta Krasniqi. Sipas saj, pas xhirimeve në një hotel, Blero ka insistuar që të shkojnë bashkë në dhomën e saj dhe të pinin nga një gotë verë.

“Kur kam punuar në emisionin e Teuta Krasniqit, para 13 vjetësh, Blero më ka sjellë te hoteli ku rrija, pas xhirimeve, dhe insistoi si burrë i martuar, meqë po flet për martesën time, të vijë lart te dhoma e hotelit me mua, e mban mend shumë mirë ti, më ke thënë, a mundemi të pimë nga një gotë verë e të rrimë te dhoma e hotelit. Është shumë e vërtetë, betohem në zot,” tha Linda Halimi.

Deklarata e saj ka ardhur pasi një video u publikua nga produksioni gjatë spektaklit, ku Linda shprehej se Blero është arrogant dhe se e njeh prej shumë vitesh.

“Blero ka egon, arrogancën. Është deluzional pafund e njoh para 12-13 viteve. Ka qejf të bëjë shaka, por e tejkalon limitin”, tha Linda Halimi.

Në përgjigje, Blero e ka akuzuar Lindën për turp, duke theksuar se ajo është e martuar dhe nuk duhet të flasë kështu. Kjo ka shtuar tensionin ndërmjet tyre dhe ka shkaktuar debate të ashpra në publik. Mes akuzave dhe përgjigjeve, ata kanë përfshirë edhe produksionin në debatin e tyre duke pyetur për praninë e kamerave gjatë ngjarjeve të përmendura nga Linda Halimi.