Sipas burimeve, ekspertiza mjekoligjore për futbollistin e Egnatias, Raphael Dwamena, i cili humbi jetën në fushën e lojes gjatë ndeshjes Egnatia-Partizani, ka zbuluar se vdekja e lojtarit është shkaktuar nga hemoragjia në miokard (muskul i zemrës) dhe edema pulmonare.

Gjithashtu, nuk është konstatuar aparati pacemaker gjatë autopsisë së futbollistit 28-vjeçar, aparat i cili rregullon ritmin e zemrës. Hetimet vazhdojnë për të përcaktuar rrethanat e sakta dhe përgjegjësitë e ngjarjes tragjike në fushën e lojes.