Përmes një njoftimi zyrtar, Ministri i Jashtëm, Igli Hasani, bëri me dije se një nënë dhe katër fëmijë të mitur shqiptarë sapo kanë lënë territorin e Gazës. Aktualisht ata ndodhen në Egjipt, dhe janë në procesin e procedurave për ardhjen e tyre në Shqipëri.

Nga ana tjetër, ministri shprehet se po punohet ngushtë me autoritetet për kthimin e shpejtë dhe të sigurtë të shtetasve të tjerë shqiptarë që ende ndodhen në zonën e konfliktit në Gaza

Postimi i Igli Hasani:
Pas tre javësh përpjekjesh e vështirësish, më në fund shtetasit e parë shqiptarë, një nënë dhe 4 fëmijët e saj të mitur, sapo lanë territorin e Gazës.
Ata ndodhen tashmë të sigurt në Egjipt, ndërsa vijojmë proçedurat për kthimin e tyre sa më të shpejtë në Shqipëri.
Mirënjohje për autoritetet e Izraelit dhe Egjiptit për bashkëpunimin, IOM – UN migration dhe ICRC për mbështetjen si dhe kolegëve të ambasadave shqiptare në 🇮🇱 dhe 🇪🇬 për punën e mirë në këtë situatë e operacion kompleks.
Po punojmë ngushtë me autoritetet për kthimin e shpejtë e të sigurt të shtetasve të tjerë 🇦🇱 që ndodhen në Gaza.