Sot, Kombëtarja Shqiptare ka filluar zyrtarisht përgatitjet për dy ndeshjet vendimtare ndaj Moldavisë dhe Ishujve Faroe, të cilat do të zhvillohen më 17 dhe 20 nëntor. Trajneri Silvinho dhe lojtarët kanë zhvilluar seancën e parë stërvitore në ‘Shtëpinë e Futbollit’. Në këtë seancë, 8 lojtarë kanë marrë pjesë, ndërsa pjesa tjetër e ekipit do të bashkohet me sesionet e tjera stërvitore.

Lojtari Kristjan Asllani ka kaluar kontrollet mjekësore dhe ka rezultuar i gatshëm për stërvitjen. Lojtarët tjerë që janë nën kujdesin e trajnerit, pritet të bashkohen me ekipin gjatë ditëve të ardhshme.

Ndeshja kundër Moldavisë do të zhvillohet në stadiumin ‘Zimbru’, Chisinau në Moldavi, më 17 nëntor, ndërsa ndeshja me Ishujt Faroe do të luhet në stadiumin ‘Air Albania’ në Tiranë, më 20 nëntor. Kombëtarja do të qëndrojë në Tiranë deri në datën e udhëtimit drejt Moldavisë dhe do të kthehet për të përfunduar përgatitjet në vendin e tij.