Në një nga sfidat e fundit të vlefshme për kualifikueset e Kampionatit Evropian të futbollit, Euro 2024, Kombëtarja shqiptare do të ballafaqohet me Moldavinë në “Zimbru Stadium”. Megjithëse Shqipëria është në krye të grupit E me 13 pikë, një ndeshje e suksesshme mund ta sigurojë zyrtarizimin në fazën e ardhshme. Ndërkaq, Moldavia, e drejtuar nga tekniku Serghei Clescenco, ka shprehur synimin e fortë për të fituar pikët e nevojshme për kualifikim, duke e cilësuar Shqipërinë si një surprizë të grupit.
Tekniku moldav në një konferencë për shtyp theksoi se trajneri i Kombëtares shqiptare, Sylvinho, ka merituar një elogj të veçantë për sukseset e deritanishme të skuadrës. Sidoqoftë, Clescenco theksoi se Moldavia ka një shans të historik për të kualifikuar për në fazën e grupeve të Kampionatit Evropian, dhe objektivi kryesor është të marrin pikët e nevojshme në dy ndeshjet e mbetura. Një ndeshje e pritur me emocion, pasi përballë do të jenë një Shqipëri në krye të grupit dhe një Moldavi e vendosur për të shfrytëzuar çdo mundësi për përparim në këtë kompeticion prestigjioz.
Konferenca për shtyp e teknikut Serghei Clescenco:
Cilat janë synimet tuaja dhe të skuadrës në dy ndeshjet e fundit dhe si planifikoni t’i arrini ato për të siguruar kualifikimin në EURO 2024?
Le ta pranojmë, sa prej nesh menduam se do ta arrinim më lart se vendi i fundit? Objektivisht, kam pasur edhe arsye, sepse duke analizuar skuadrat kundërshtare, kam konstatuar se nuk kemi arritur kurrë, ose pothuajse asnjëherë, fitore ndaj tyre. Dy ndeshjet e fundit me Ishujt Faroe na treguan se nuk ishte e lehtë, njëra ndeshje u mbyll në barazim, tjetrën e fituam me shumë vështirësi. Kështu që po. Të thuash se ishim optimistë do të ishte një gënjeshtër, por djemtë ia dolën. Ata formuan një ekip të bashkuar dhe e kuptuan pse jemi mbledhur. Lojtarët e kuptuan se ata nuk janë në fushë vetëm për veten e tyre, por edhe për vendin e tyre, familjet e tyre dhe miqtë që nuk duan të zhgënjejnë.
Çfarë strategjish përdorni për të motivuar lojtarët që të përballen me presionin e dy ndeshjeve të fundit të eliminatoreve të EURO 2024?
Strategjia jonë mbetet konstante, pavarësisht ndeshjes. Ne mbështetemi në guximin për të përballuar çdo sfidë, agresivitet në sulm dhe besim në aftësitë tona mbrojtëse. Ky është thelbi i filozofisë sonë në ndeshje. Kemi vetëm 2-3 ditë për përgatitje, por fokusohemi që të analizojmë me kujdes çdo kundërshtar, në mënyrë që secili lojtar të kuptojë se kush është përballë në fushë dhe të përshtatet sipas pikave të forta.
Çfarë prisni të sjellë Shqipëria në këtë ndeshje dhe si po përgatiteni për të kundërshtuar taktikat dhe strategjinë e tyre?
Shqipëria, nga rreziku për të mbetur jashtë u bë favorite e grupit tonë. Është një surprizë, por kjo është merita e trajnerit të tyre, i cili pas vetes ka një përvojë shumë të mirë. Një nga pikat e forta të tyre, njësoj si ne është kohezioni i ekipit të tyre kombëtar. Kam vënë re se ata kanë mbajtur një formacion të qëndrueshëm në ndeshjet e fundit me vetëm një ose dy ndryshime. Ata janë një ekip jugor, që do të thotë se janë mësuar të luajnë dhe ta mbajnë topin. Ata janë teknikë dhe të shpejtë.
