Kryeministrja e Italisë, Giorgia Meloni, ka shprehur mirënjohje për marrëveshjen e arritur me Shqipërinë në lidhje me pritjen e refugjatëve në zonën e Shëngjinit. Ajo e quajti marrëveshjen “inovative dhe inteligjente,” duke shtuar se Italia është gati të jetë një lider në gjetjen e zgjidhjeve të reja për menaxhimin e krizës së refugjatëve në Europë.
“Ky mund të jetë një shembull që vendet e tjera mund të ndjekin, veçanërisht nëse funksionon mirë. Italia ka vendosur të jetë lider në këtë moment kur duhet të kërkojmë zgjidhje të reja për të menaxhuar problemin që ndoshta nuk e kemi menaxhuar në mënyrën më të mirë deri tani,” theksoi Meloni gjatë një vizite në Kroaci.
