Një ngjarje tragjike ka ndodhur mbrëmjen e sotme në Elbasan, ku një këmbësor 74-vjeçar ka humbur jetën pas një përplasje me makinë. Viktima, e identifikuar me inicialet S.K., ka ndërruar jetë gjatë transportimit me ambulancë në spital.
Autoritetet lokale kanë konfirmuar ngjarjen dhe kanë njoftuar se ngjarja ka ndodhur pas përplasjes së këmbësorit nga një mjet. Policia ka shoqëruar në Komisariat drejtuesin e mjetit, shtetasin A.M., 20-vjeçar.
Njoftimi i policisë:
Elbasan/Informacion paraprak
Rreth orës 19:35, në unazën e qytetit, automjeti me drejtues shtetasin A. M., 20 vjeç ka aksidentuar shtetasin S. K., 74 vjeç, këmbësor, i cili për pasojë ka humbur jetën gjatë transportimit me ambulancë, në spital.
Shtetasi A. M. u shoqërua në Komisariat, për veprime të mëtejshme procedurale.
Grupi hetimor ndodhet në vendin e ngjarjes dhe vijon veprimet hetimore për zbardhjen e rrethanave të aksidentit.
