Autoriteti Kombëtar i Ushqimit (AKU) ka bllokuar një sasi prej 20 tonë kastravecë importi pasi produkti ka rezultuar me përmbajtje të pesticideve mbi normën e lejuar. Njoftimi nga AKU vë në dukje rrezikun potencial për shëndetin publik nga kjo sasi e kastravecëve, duke ndërmarë masat e nevojshme për të parandaluar qarkullimin dhe konsumin e produktit të ndotur.2

Autoriteti Kombëtar i Ushqimit ka bllokuar një sasi prej 20 ton produkt kastravec, i cili ka rezultuar mbi normën e lejuar të përmbajtjes së pesticideve.
Referuar njoftimit të ardhur nga vendi importues, Autoriteti Kombëtar i Ushqimit ka kryer verifikimet në zbatim të legjislacionit në fuqi në subjektin eksportues të këtij produkti, ku është bërë dhe bllokimi i menjëhershëm i kësaj sasie. Subjektit i është lënë detyrë të marrë masat për asgjësimin e tij.
AKU po bashkëpunon me institucionet e tjera ligjzbatuese AREB dhe ARSHVMB, ku në bazë të sistemit të gjurmueshmërisë të administruar në subjektin eksportues, të vijohet me mbikqyrjen e subjekteve/fermerëve, mbi përdorimin e pesticideve dhe respektimin e karencës së përdorimit të produktit.