Amazon ka njoftuar nisjen e programit “AI Ready” (“Gati për AI”), i cili ofron trajnim dhe arsimim falas në fushën e inteligjencës artificiale. Ky program synon të ofrojë trajnim për zhvillimin e aftësive në këtë fushë për dy milionë njerëz në nivel botës deri në vitin 2025. Amazon theksoi që synimi i tyre është që të bëjnë inteligjencën artificiale të qasshme për këdo që dëshiron të mësojë.

“Inteligjenca artificiale është teknologjia më transformuese e gjeneratës sonë. Nëse duam ta zhbllokojmë potencialin e plotë të inteligjencës artificiale për t’i luftuar telashet më sfiduese të botës, atëherë ne duhet ta bëjmë edukimin për AI të qasshëm për të gjithë që duan të mësojnë.

“Synimi i programit ‘Gati për AI’ është të ndihmojë për ta bërë edukimin për AI të barabartë për të gjithë, me mbështetjen e nismave të reja që po i bëjmë sot”, tha Swami Sivasubramanian, zëvendëspresident për të dhëna dhe AI në Amazon.