Kryeministri Edi Rama u ndal sot në një takim elektoral në Fushë-Krujë, nga ku sulmoi ish-kryeministrin Sali Berisha dhe presidentin Ilir Meta.
Kreu i qeverisë iu drejtua të djathtëve të Krujës duke ironizuar Berishën, i cili shihet nga ata si “njeriu që ju solli demokracinë”.
“Djathtas me Lulin? Po pse kanë kohë akoma burrat e Krujës që të luajnë me kukulla. Me kukull që e kurdis Ilir Meta me Saliun. Atë Saliun e kanë merak, nuk duhet me ua prek atë. Se ai është njeriu që ju solli demokracinë. Po po, Noc Rrokun!”, tha Rama.
Rama theksoi gjithashtu se Durrësi me portin e ri do të jetë Dubai i vogël i Mesdheut, ndërsa do të vlejë edhe për Krujën si portë hyrëse.
Madje Rama ka kujtuar edhe kohën kur Kruja nuk kishte ujë, duke i përmendur qytetarëve se me PD mbanin dy gishtat në gojë.
