Komisioni i Etikës i Kuvendit ka marrë vendim për të përjashtuar nga Kuvendi për një periudhë prej 10 ditë deputetët Gazment Bardhi, Flamur Noka, Bledjon Nallbati dhe Flamur Hoxha. Vendimi vjen pas ngjarjeve të ndodhura gjatë seancës së shkuar, ku deputetët janë përfshirë në sjellje të pakontrolluara dhe dhunuese.

Deputeti Bardhi është akuzuar për konflikt me punonjësit e sigurisë në sallën plenare, duke hedhur një karrige në drejtim të tyre dhe dëmtuar njërin prej gardistëve. Ndërkohë, deputeti Flamur Noka ka bllokuar hyrjen në sallën plenare duke vendosur karriget si barrikadë mbi foltore.

Deputeti Bledjon Nallbati është akuzuar për sjellje të rrezikshme, duke ndezur flakadana dhe duke shkaktuar kaos në sallë. Ndër veprimet e tij, ka nxjerrë nga çanta e deputetes Albana Vokshi një kuti e cila është ndezur, duke dëmtuar pajisjen elektronike të votimit dhe duke rrezikuar përhapjen e flakëve në sallë.

Vendimi për përjashtim ka ardhur pas një kërkese të një grupi deputetësh të Partisë Socialiste, të cilët kanë shprehur shqetësimin e tyre për sjelljen e deputetëve të përfshirë në ngjarje. Përjashtimi është një masë disiplinore për sjellje të papranueshme në ambientin parlamentar dhe ka për qëllim të rikthejë rendin dhe dinjitetin në Kuvend. Sorina Koti dhe Albana Vokshi nuk janë përjashtuar nga kjo masë.