Ministri i Brendshëm, Taulant Balla, ka shprehur se nga muaji shtator, siguria në shkollat e Tiranës do të përmirësohet ndjeshëm. Në një bisedë me nxënës të shkollës së mesme “Petro Nini Luarasi”, ministri ka përmendur rëndësinë e krijimit të një aleance midis nxënësve dhe mësuesve për të përballuar fenomenet negative që mund të ndikojnë në rininë.

Balla ka ndarë pikëpamjet e tij rreth nevojës për bashkëpunim të ngushtë mes nxënësve dhe mësuesve në adresimin e çështjeve të rrezikshme që mund të përballen gjatë kohës së shkollës.

Shkolla juaj është në qendër të Tiranës, dhe ka lidhje me zona shumë të frekuentuara, që janë edhe shpesh burim i fenomeneve që shqetësojnë prindërit tuaj. Detyra jonë është të garantojmë që qoftë te rruga kur vini, qoftë të lokalet që frekuentoni apo mjedise të tjera publike, të rritim kontrolli. Që ne ta bëjmë punën më mirë, na duhet dhe një aleancë dhe bashkëpunimi juaj. Ju përmes oficerit të sigurisë, mësuesve, etj mund të ndani me ne të dhëna për ta çuar në një nivel tjetër paketën e sigurisë, që ne kemi iniciuar. Çdo informacion që na jepni është tepër i dobishëm.
Lufta kundër shpërndarësve të narkotikëve mund të fitohet nëse kemi më shumë informacion. Raste të personave që ju thonë shko merre këtu, shko bleje atje, të na i thoni dhe pastaj është policia që merr masa për të identifikuar dhe vendosur ligjin. Kam marrë mesazhe nga nxënës e prindër dhe policia ka vepruar duke ndërhyrë në kohë