Dalin në dritë detaje të reja nga ekzekutimi me armë zjarri në lagjen “5 maji” i Pjerin Xhuvanit në Elbasan  

Raportohet se kanë mbetur 3 persona të plagosur, mes të cilëve edhe dhëndri i Pjerin Xhuvanit dhe një punonjëse e forcave “Shqiponja”, e cila ka marrë plagë në këmbë. Efektivja Xhensila Sota ndodhej me shërbim në zonë në momentin e ngjarjes.

Të plagosur kanë mbetur, krahas policës edhe tre persona të tjerë me inicialet, E.P, E.V dhe P.V.

Grupi që dyshohet se fshihet pas ngjarjes së rëndë është identifikuar, dhe policia po punon për kapjen e tyre. Nga dëshmitë e para nga vendngjarja mësohet se ka pasur shkëmbim zjarri dhe është qëlluar nga dy armë të ndryshme.

Nga të dhënat e para dyshohet se autor i këtij krimi është një ish-efektiv i forcave RENEA.

Pritet që ata të merren në pyetje për të dhënë më shumë informacione rreth krimit.

Ndërkaq drejt Elbasanit janë nisur Forcat RENEA. Pjerin Xhuvani u ekzekutua pas një përplasjeje me armë që ndodhi në lagjen “5 maji”.  Dyshohet se shkak është bërë shpërndarja e parave për blerjen e votave.

Xhuvani prej kohësh nuk e ushtronte aktivitetin si mjek dhe së fundmi ishte angazhuar në zgjedhje me Partinë Socialiste.