Sot, kinematografia shqiptare ka humbur një prej aktorëve më të shquar, Zef Deda, i cili ndërroi jetë në moshën 73-vjeçare. Lajmi i trishtë u konfirmua nga dy djemtë e tij, Julian dhe Mario Deda. Aktori i njohur ka humbur betejën me një sëmundje të rëndë në qytetin e Shkodrës, ku ishte lindur më 27 korrik 1950 dhe kishte nisur karrierën e tij artistike në Teatrin Migjeni.
Zef Deda ka pasuar një karrierë të jashtëzakonshme që ka zgjatur mbi 40 vjet. Ai bëri emër me performancat e tij të jashtëzakonshme në skenë dhe ka dhënë një kontribut të çmuar në zhvillimin e humorit shqiptar. Pas një periudhe emigrimi, ai u kthye në Shqipëri në vitin 1996 dhe u përshëndet me padurim nga fansat e tij.
Familjarët e tij e përshkruajnë si një njeri të dashur dhe frymëzues, ndërsa ai lënë pas një trashëgimi të pashuar në botën e artit shqiptar. Zef Deda ishte i martuar me Rozina Dedën dhe kishte dy djem, Marion dhe Julianin, i cili gjithashtu është një aktor i njohur i humorit në Shqipëri.
Karriera e Zef Dedës:
Zef Deda është një nga komedianët më të mirë të Shqipërisë, i cilësuar edhe si Charlie Chaplin i Shqipërisë. Lindi në Shkodër më 27 korrik 1950. Është shkolluar në qytetin e tij të lindjes, dhe në politeknikumin e ndërtimit në Tiranë.
Fillon shkollën e lartë për gjuhë – letërsi, por nuk e mbaron dot për arsye shëndetësore. Ka punuar për më shumë se 40 vite në Teatrin Migjeni të Shkodrës.
Talenti i tij spikat që në moshë të vogël. Me një shkathtësi dhe me një plastikë të shkëlqyer psiko-fizike ai arrin të realizojë qindra figura artistike. Prandaj dhe është mjaft i dashur për publikun shqiptar, sidomos atë Shkodran.
Pas një shkëputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdon me shumë sukses.
Zef Deda gjithashtu ka interpretuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.
Disa nga rolet e Zef Dedës:
Kunati i shokut Xhemal,
Kola i dritave,
Charlie Chaplin (imitim) ,
Kusheriri nga Amerika,
Altini (altufi) Dhjetra emisjone per femije,
Ne filmin “gjurme ne kaltersi” 1981, etj.
Komuniteti artistik dhe dashamirësit e teatrit shprehin ngushëllimet e tyre, duke ndarë kujtime dhe respekt për kontributin e jashtëzakonshëm të Zef Dedës në skenën artistike shqiptare. Veprat dhe imazhi i tij do të mbeten të gjalla në kujtesën e shqiptarëve.
