Për shkak të reshjeve të dendura të dëborës, aksi rrugor bypass-Qafë Murriz, pjesë e rrugës së Kombit, aktualisht është bërë i pa kalueshëm. Shoferët inkurajohen të përdorin aksin e vjetër rrugor Klos-Burrel-Ulëz për qarkullim. Rrugët Peshkopi-Bulqizë, Bulqizë-Klos, dhe Peshkopi-Kukës janë të kalueshme vetëm me goma dimërore dhe zinxhirë. Policia Rrugore bën thirrje për kujdes shtuar dhe respektim të rregullave në këto kushte të vështira.

Policia Rrugore apelon për drejtuesit e mjeteve që të mos qarkullojnë pa goma dimërore dhe zinxhirë, të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë. Në rast nevoje për ndihmë, telefononi në numrin 112.