Në një takim me simpatizantët e tij në Lezhë, Sali Berisha ka bërë një paralajmërim ndaj kryetarit të kësaj bashkie, Pjerin Ndreu, duke e akuzuar për lidhje me krimin dhe duke thënë se “do t’i vijë radha” për të hetuar. Berisha gjithashtu ka shpallur se Pjerin Ndreu ka “mandatin mbi krimin” dhe ka akuzuar se ka dhënë licence për parcelat e drogës.
Sipas Berishës, Ndreu është një “Edi Rama në miniaturë”, duke e krahasuar me kryeministrin aktual. Berisha gjithashtu ka përmendur sulmet ndaj Salvator Kaçit dhe ka akuzuar Ndreun për bashkëpunim me vrasës. Ai ka premtuar se do të vazhdojë betejën kundër tyre deri në një fitore përfundimtare.
Nuk ka më të lig se ky Pjerin që keni këtu, por Edi Rama është shumë herë më i lig. Ky do ikë se qëndron mbi krimin, por Edi Rama është më e keqja që ka pasur ky vend që nga koha e Enver Hoxhës gjer më sot. Ndaj dhe ne nuk dorëzohemi dhe do vazhdojmë betejën tonë gjer në fitoren përfundimtare mbi të.
Meqë jam këtu, i them këtij Pjerinit se atë mandat e ke mbi krimin. E ke mbi bandat që i ke shpërndarë natën e para votimit nëpër fshatra e zona. E kemi të filmuar, të dokumentuar të gjitha. I kemi ata vrasës që sulmonin Salvator Kaçin me porosi të Edi Ramës.
I ke mbi licencat që ke dhënë për parcelat e drogës dhe je tipik kryetari të cilit krimi i shndërrohet në votë dhe vota në krim. Dhe do të vijë radha. Pjerin do të vijë radha, mbaje mend këtë që do të them. Se edhe ai këtu është një Edi Ramë në miniaturë. Por Edi Rama, pas Enver Hoxhës, kombi nuk ka pasur ndonjëherë. Jo se e them unë, por për të zezat që i bën këtij vendi
