Deputetja Ina Zhupa ka reaguar pas nisjes së një nisme nga 12 deputetë të Partisë Socialiste për të ndryshuar ligjin për zonat e mbrojtura. Sipas Zhupës, kjo veprimtari është pjesë e një plani për të dhuruar pjesën fundit të territorit shqiptar tek investitorët të cilët kanë ndikim të fuqishëm.

Ajo shprehet se projektligji i propozuar është hapi i fundit për të lejuar përdorimin e zonave të mbrojtura, si Syri i Kaltër, për ndërtimin e tubacioneve ujore për vendet fqinje. Zhupa gjithashtu akuzon se nismat e qeverisë synojnë të legjitimojnë ndërtimet dhe infrastrukturën në zona të tilla si Vjosa-Narta, ndërsa zonat si Butrinti, Velipoja dhe Shkodra po rrezikojnë të shndërrohen në resorte me etiketën e ‘investimeve strategjike’.

Qeveria dhe Parlamenti putinian, ndërkohë që kalojnë buxhetin e vjedhjes së taksave të shqiptarëve, ushqejnë, veç oreksit të tyre edhe atë të oligarkëve. Kanë vendosur t’ju ofrojnë më të pasurve dhe të fuqishmëve, edhe copat e fundit të territorit shqiptar, zonat e mbrojtura, që ata t’i shfrytëzojnë për resorte dhe fitime të reja.

12 deputetë të Partisë Socialiste kërkojnë ndryshimin e ligjit ‘Për zonat e mbrojtura’, me qëllim hapjen rrugë të investimeve në ato territore, aktualisht të ndaluara. Përmes një projektligji të depozituar në Kuvend me datë 20 nëntor, duhen të kthejnë zonat e mbrojtura, në zona të pambrojtura, sipas preferencave të pushtetit.