Mëngjesin e sotëm, 29-vjeçari shqiptar Angjelo Avdiu u gjet i pajetë në një fshat të Greqisë, i varur në një pemë dhe me duar të lidhura. Familjarët e tij kishin denoncuar humbjen e tij rreth një muaj më parë, kur ai kishte humbur kontaktet me ta për tri ditë. Avdiu, i cili ishte baba i një fëmije, kishte qëndruar me një të afërm gjatë natës dhe ishte larguar mëngjesin e 29 tetorit nga vendi ku kishte jetuar në Agios Konstantinos Fthiotidas. Vëllai i tij ka shpjeguar se 29-vjeçari kishte ardhur në fshat për të biseduar me ish-bashkëshorten dhe nënën e fëmijës së tij në një përpjekje për të rregulluar marrëdhëniet mes tyre. Ngjarja ka shokuar komunitetin dhe ka lënë pyetje mbi motivet dhe rrethanat e vdekjes së tij. Hetimet janë në vijim për të zbuluar më shumë detaje rreth kësaj tragjedie.
“Erdhëm të bisedonim me ish-bashkëshorten e tij që ishte divorcuar. Të dielën në mëngjes ishim duke pirë kafe dhe befas ai u largua pa i thënë asgjë askujt. Të gjitha gjërat i la në shtëpi dhe celularin. Bëjmë apel që të gjendet vëllai im sepse nuk ka qenë shumë mirë së fundmi. Ai ka edhe një djalë të vogël, 9 vjeç”, tha ai.
