Ministri i Brendshëm Taulant Balla ka reaguar në lidhje me operacionin policor të quajtur “Sundimi i Ligjit”, duke theksuar se ky operacion ka si qëllim mbrojtjen e komuniteteve nga individët me rrezikshmëri të lartë, personat në kërkim nga drejtësia, dhe ata që posedojnë armë pa leje.

Nëpërmjet ndërhyrjeve të policisë në disa qytete të vendit, përfshirë Shkodrën, Tiranën, Elbasanin, Prrenjas dhe Vlorën, ministri ka njoftuar se janë arrestuar dhe ndaluar 19 persona. Gjithashtu, në kuadër të operacionit janë sekuestruar lëndë narkotike dhe automjete që dyshohet se janë përdorur në veprimtari kriminale.

Ministri Balla ka theksuar rëndësinë e kthimit të sundimit të ligjit dhe forcimit të sigurisë në komunitet, duke shprehur vendosmërinë për të luftuar krimin dhe të garantuar rendin publik në tërë vendin.

Goditja e kultivuesve dhe shpërndarësve të lëndëve narkotike vijon çdo ditë, me qëllimin e mbrojtjes së shëndetit të të rinive dhe çdo qytetari tjetër nga rreziku që sjell përdorimi i tyre. #PaketaeSigurisë në shkolla është e lidhur ngushtësisht me operacionin e Policisë së Shtetit “Tempulli”, duke synuar pastrimin e perimetrit të sigurisë së shkollave nga shpërndarësit e drogës. Operacioni “Sundimi i ligjit” mbron komunitetet tona nga personat me rrezikshmëri të lartë, persona në kërkim nga drejtësia apo ata të cilët posedojnë armë pa leje.

Vlerësoj bashkëpunimin e shkëlqyer mes Policisë së Shtetit dhe Prokurorisë të Jurisdiksionit të Përgjithshëm Shkodër, për hetimin e thelluar proaktiv që çoi tek kokat e grupit kriminal të përfshirë në kultivimin mijëra bimëve narkotike në Shkodër.