Kreu i PD, Lulzim Basha 3 ditë para zgjedhjeve ka nënshkruar marrëveshje me Këshillin e Agrobiznesit Shqiptar. Basha teksa akuzonte Ramën për politikat atij në bujqësi, ka garantuar se me programin e PD fermerët do të marrin 100 milionë euro ndihma.

Ai thekson se me hapjen e negociatave me BE në 100 ditët e para të qeverisjes së PD, do të krijohen mundësitë për subvencione direkte për bujqësinë shqiptare.

Gjatë fjalës së tij, Basha u shpreh se pas 8 vitesh ngecje në vendnumëro në shumë fusha, ku përfshin dhe sektorin e bujqësisë, ka ardhur koha që fermerët dhe agro-përpunuesit shqiptar të mbështeten me programe serioze. Sipas kreut të opozitës, ky është sektori më jetik për ekonominë kombëtare dhe ndryshimi më 25 prill shihet në këto marrëveshje që janë garancia e qeverisë së ardhshme që do t’i shërbejë fuqizimit të bujqësisë dhe fermerit shqiptar.

Lideri i opozitës gjithashtu tha se me nxitjen përmes programeve për shumëfishimin e ndihmës nga IPARD-i dhe hapja e negociatave brenda 100 ditëve të para të qeverisjes, do të krijojnë mundësi për subvencione direkte për bujqësinë shqiptare.